ರಕ್ತದ ಬಣ್ಣಕ್ಕೆ ತಿರುಗಿದ ನದಿಯ ನೀರು..!

ಮಾಸ್ಕೋ: ರಷ್ಯಾದ ಇಸ್ಕಿಟಿಮ್ಕಾ ನದಿಯ ನೀರು ಈಗ ಕಡು ಕೆಂಪು ಬಣ್ಣಕ್ಕೆ ತಿರುಗಿದ್ದು, ಸ್ಥಳೀಯರು ಮನೆಗಳನ್ನು ಖಾಲಿ ಮಾಡಿ ಬೇರೆ ಸ್ಥಳಗಳಿಗೆ ತೆರಳಿದ್ದಾರೆ. ಯಾವ ಕಾರಣದಿಂದಾಗಿ ಈ ನದಿಯ ಬಣ್ಣ ಬದಲಾಗಿದೆ ಎಂಬ ಬಗ್ಗೆ ಮಾಹಿತಿಯಿಲ್ಲ. ನೀರಿನ ಬಣ್ಣ ರಕ್ತದಂತೆ ಕೆಂಪಾಗಿದ್ದು ಪ್ರಾಣಿ ಪಕ್ಷಿಗಳು ನದಿಯ ಬಳಿಗೆ ಹೋಗಲು ಹೆದರುತ್ತಿವೆ ಎಂದು ಸ್ಥಳೀಯರು ಹೇಳುತ್ತಿದ್ದಾರೆ.

ಇದಕ್ಕಿಂತ ಮೊದಲೂ ಸಹ ಇದ್ದಕ್ಕಿದ್ದಂತೆ ಹಲವು ನದಿಗಳ ಬಣ್ಣ ಬದಲಾಗಿದ್ದವು. ಈ ಸಾಲಿಗೆ ಈಗ ಇಸ್ಕಿಟಿಮ್ಕಾ ನದಿಯೂ ಸೇರಿದೆ. ಆದರೆ ನೀರಿನ ಬಣ್ಣ ಬದಲಾವಣೆಗೆ ಏನು ಕಾರಣ ಎಂಬ ಬಗ್ಗೆ ತಿಳಿದುಬಂದಿಲ್ಲ. ಇನ್ನು ಈ ನದಿಯು ಕೈಗಾರಿಕೆಗಳಿರುವ ಪ್ರದೇಶಕ್ಕೆ ಹತ್ತಿರವಾಗಿದ್ದು, ಹೆಚ್ಚು ಪ್ರಮಾಣದ ಕೆಮಿಕಲ್ ನೀರಿನಲ್ಲಿ ಸೇರಿರುವುದರಿಂದ ಬಣ್ಣ ಬದಲಾಗಿರಬಹುದು ಎಂದು ಅಂದಾಜಿಸಲಾಗಿದೆ. ಅಲ್ಲದೆ ಯಾವ ಪ್ರಾಣಿಗಳೂ ನದಿಯ ಬಳಿ ಸುಳಿಯದಂತೆ ಎಚ್ಚರಿಕೆ ವಹಿಸಲಾಗಿದೆ ಎಂದು ಸ್ಥಳೀಯ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಈ ಮೊದಲೂ ರಷ್ಯಾದಲ್ಲಿ ನದಿಯೊಂದಕ್ಕೆ ಕೆಮಿಕಲ್ ಸೇರಿದ್ದ ಪರಿಣಾಮ ನೀರಿನ ಬಣ್ಣ ಕೆಂಪು ಬಣ್ಣಕ್ಕೆ ತಿರುಗಿತ್ತು.