ಒಣಕೆಮ್ಮು ಸಮಸ್ಯೆಗೆ ಮನೆಯಲ್ಲೇ ಪರಿಹಾರ..

ಒಣಕೆಮ್ಮು.. ಇದರ ಸಮಸ್ಯೆಯನ್ನು ಅನುಭವಿಸದೆ ಇರುವವರೇ ಇಲ್ಲ ಎಂದರೆ ತಪ್ಪಾಗಲಾರದು, ಹೆಚ್ಚಾಗಿ ಚಳಿಗಾಲದಲ್ಲಿ, ಕೆಲವೊಮ್ಮೆ ಧೂಳಿನಿಂದ, ನೀರಿನ ವ್ಯತ್ಯಾಸದಿಂದಲೂ ಕೆಮ್ಮು ಕಾಡುವುದು ಸಾಮಾನ್ಯ.. ಒಮ್ಮೆ ಒಣ ಕೆಮ್ಮು ಶುರುವಾದರೆ ವಾರಕಳೆದರೂ ಗುಣವಾಗುವುದಿಲ್ಲ. ಈ ಸಮಸ್ಯೆಗೆ ಮನೆಯಲ್ಲೇ ಸಿಗುವ ಕೆಲವೊಂದು ಆಹಾರ ಪದಾರ್ಥಗಳನ್ನು ಸೂಕ್ತ ರೀತಿಯಲ್ಲಿ ಬಳಸುವ ಮೂಲಕ ಯಾವುದೇ ಅಡ್ಡ ಪರಿಣಾಮಗಳಿಲ್ಲದೆ ಸುಲಭವಾಗಿ ಬಗೆಹರಿಸಿಕೊಳ್ಳಬಹುದಾಗಿದೆ. 

ಒಣಕೆಮ್ಮು ಇದ್ದಾಗ ಹೆಚ್ಚು ನೀರು ಕುಡಿಯುತ್ತಿರಿ. ದೇಹವನ್ನು ತೇವಾಂಶದಿಂದ ಇಡಲು ನೀರು ಕುಡಿಯುವುದು ಅಗತ್ಯ. ಅದರಲ್ಲೂ ಬಿಸಿನೀರಿನ ಸೇವನೆ ಅತೀ ಮುಖ್ಯ. ಆಗಾಗ ಕಾಯಿಸಿದ ನೀರನ್ನು ಕುಡಿಯುವುದರಿಂದ ಲೋಳೆಯ ಸ್ರವಿಸುವಿಕೆಯನ್ನು ಕಡಿಮೆ ಮಾಡಬಹುದು. ಅಲ್ಲದೆ ಕೆಮ್ಮು ಇರುವಂತಹ ಸಮಯದಲ್ಲಿ ನೀವು ತಂಪಾದ ಆಹಾರವನ್ನು, ಫ್ರಿಡ್ಜ್ ನಲ್ಲಿಟ್ಟಿರುವ ಆಹಾರ, ಅತಿಯಾಗಿ ತಂಪಾಗಿರುವ ನೀರನ್ನು  ತ್ಯಜಿಸಬೇಕು. ಈ ಆಹಾರಗಳ ಸೇವನಿಯಿಂದ ಸೋಂಕು ಹೆಚ್ಚಾಗುವ ಸಾಧ್ಯತೆ ಇರುತ್ತದೆ.

ಓಂ ಕಾಳು ಹಾಗೂ ಸ್ವಲ್ಪ ಅರಿಶಿನವನ್ನು ನೀರಿನಲ್ಲಿ ಚೆನ್ನಾಗಿ ಕುದಿಸಿ, ಈ ನೀರು ಸ್ವಲ್ಪ ತಣಿದ ನಂತರ ಇದಕ್ಕೆ ಜೇನು ತುಪ್ಪ ಸೇರಿಸಿ ಕುಡಿಯಿರಿ. ಈ ವಿಧಾನವನ್ನು ದಿನದಲ್ಲಿ ಎರಡುಬಾರಿ ಅನುಸರಿಸುವುದರಿಂದ ಒಣ ಕೆಮ್ಮು ಕಡಿಮೆಯಾಗುತ್ತದೆ.

ಮೆಣಸಿನ ಪುಡಿಯನ್ನು ಜೇನು ತುಪ್ಪದ ಜತೆಗೆ ಮಿಶ್ರಣ ಮಾಡಿ. ಎರಡು  ಚಮಚ ನೀರಿನೊಂದಿಗೆ ಸೇರಿಸಿ ಕುಡಿಯಿರಿ. ದಿನದಲ್ಲಿ ಎರಡು  ಬಾರಿ ವಿಧಾನವನ್ನು ಪಾಲಿಸುವುದರಿಂದ ಉತ್ತಮ ಫಲಿತಾಂಶ ಪಡೆಯಬಹುದಾಗಿದೆ.

ಚಳಿಗಾಲದ ಕೆಮ್ಮಿಗೆ ತುಳಸಿ ಹಾಗೂ ಜೇನು ಅತ್ಯುತ್ತಮ ಪರಿಹಾರವಾಗಿದೆ. ಬೆಳಗ್ಗೆ ಖಾಲಿಹೊಟ್ಟೆಯಲ್ಲಿ ಮೂರು ನಾಲ್ಕು ತುಳಸಿ ಎಲೆಗಳನ್ನು ಹಸಿಯಾಗಿ ಜಗಿಯಬೇಕು. ಚೆನ್ನಾಗಿ ಅಗಿದು ನೀರಾದ ಬಳಿಕ ಒಂದು ಚಿಕ್ಕ ಚಮಚ ಜೇನನ್ನು ಬಾಯಿಗೆ ಹಾಕಿಕೊಂಡು ಒಟ್ಟಿಗೇ ನುಂಗಿಬಿಡಬೇಕು. ಹೀಗೆ ಮಾಡಿದ ನಂತರ ಹದಿನೈದು ನಿಮಿಷ ನೀರು ಹಾಗೂ ಇತರೆ ಯಾವುದೇ ಆಹಾರವನ್ನು ಸೇವಿಸಬಾರದು. ಹದಿನೈದುನಿಮಿಷಗಳ ನಂತರ ನೀರು ಅಥವಾ ಇತರೆ ಆಹಾರವನ್ನು ಸೇವಿಸಬುದಾಗಿದೆ.

ಒಣ ಕೆಮ್ಮಿಗೆ ಮತ್ತೊಂದು ಸುಲಭ ಪರಿಹಾರ ಎಂದರೆ ಏಲಕ್ಕಿ. ರಾತ್ರಿ ಮಲಗುವ ಮುನ್ನ ಒಂದು ಏಲಕ್ಕಿಯನ್ನು ಬಾಯಿಗೆ ಹಾಕಿಕೊಳ್ಳಿ. ಜಗಿಯದೆ ಬಾಯಲ್ಲೇ ಇರುವಂತೆ ನೋಡಿಕೊಳ್ಳಿ ಏಲಕ್ಕಿಯ ರಸ ತಾನಾಗಿಯೇ ಗಂಟಲಿಗೆ ಇಳಿಯಬೇಕು. ಒಣ ಕೆಮ್ಮು ಇರುವ ಎರಡು ಮೂರು ದಿನ ಈ ವಿಧಾನವನ್ನು ಪಾಲಿಸಿ. ಕ್ರಮೇಣ ಕೆಮ್ಮು ಕಡಿಮೆಯಾಗುತ್ತದೆ.

ನಿಮಗೆ ಈ ಮಾಹಿತಿ ಇಷ್ಟ ಆಗಿದ್ದರೆ ಲೈಕ್ ಮಾಡಿ.. ಶೇರ್ ಮಾಡಿ.. ನಿಮ್ಮ ಅನಿಸಿಕೆಗಳನ್ನು ಕಮೆಂಟ್ ಮೂಲಕ ತಿಳಿಸಿ..

ಇನ್ನಷ್ಟು ಮಾಹಿತಿಗಾಗಿ ಈ ಕೆಳಗಿನ ಲಿಂಕ್ ಕ್ಲಿಕ್ ಮಾಡಿ ನಮ್ಮನ್ನ ಫಾಲೋ ಮಾಡಿ..

► Subscribe to Planet Tv Kannada
https://www.youtube.com/Planet Tv Kannada​

► Follow us on Facebook
https://www.facebook.com/Planettvkannada​

► Follow us on Twitter
https://twitter.com/Planettvkannada​

► Follow us on Instagram
https://www.instagram.com/planettvkannada

► Follow us on Pinterest
https://www.pinterest.com/Planettvkannada​

► Follow us on Koo app
https://www.kooapp.com/planettvkannada

► Follow us on share chat
https://sharechat.com/planettvkannada​

► Join us on Telegram
https://t.me/planettvkannada

► Follow us on Tumblr
https://www.tumblr.com/planet-tv-kannada